Төрийн албаны зөвлөлийн даргаар Б.Баатарзориг томилогджээ
6 өдрийн өмнө
Ангилал: Улс төр

Төрийн албаны зөвлөлийн даргаар Б.Баатарзориг томилогджээ. Учир нь Төрийн албаны зөвлөлийн дарга Б.Цогоог УИХ-ын намрын отгон чуулганаар үүрэгт ажлаас нь чөлөөлсөн юм. 

Төрийн албаны зөвлөлийн дарга Б.Баатарзориг нь багш мэргэжилтэй, боловсролын болон хууль зүйн магистр, Төрийн захиргааны тэргүүн зэргийн тэргүүн түшмэл  зэрэгтэй, төрийн албанд 30 дахь жилдээ  ажиллаж буй  төрийн жинхэнэ албан хаагч юм. 

Тэрбээр ажлын гараагаа багшийн мэргэжлээр эхэлсэн бөгөөд аймгийн боловсролын газрын дарга, Шинжлэх ухаан боловсролын яам, Гэгээрлийн яаманд газрын дарга,  нийслэлийн Засаг даргын нэгдүгээр орлогч зэрэг алба хашиж байсан төдийгүй 2000-2004 онд УИХ-ын гишүүнээр сонгогдон ажилласан билээ.  

Төрийн албаны зөвлөлийн  гишүүнээр ажилласан гурав дахь жилдээ тус зөвлөлийн даргын үүрэгт ажилд сонгогдон томилогдож байна.

Улс төр
6 өдрийн өмнө
Нийтлэлч:
Э Энх-Амгалан
Хуваалцах:
ХУВААЛЦАХ ЖИРГЭХ
Сэтгэгдлүүд харах (0)
Холбоотой мэдээ