“Apple” компани “iPad”- ынхаа шинэ загваруудыг танилцуулав
1 сарын өмнө
Ангилал: Энтертайнмент

НЬЮ-ЙОРК. /TASS/. Америкийн “Apple” компани “iPad Air” болон “iPad Mini” табледынхаа шинэ загварыг даваа гарагт танилцуулжээ.

Тус компанийн цахим хуудсанд гарсан хэвлэлийн мэдээллээс үзвэл, шинэ “iPad Air” нь 10.5 инчийн /26.67 см/ “Retina” дэлгэцтэйгээс гадна, “A12 Bionic” процессор суурилуулсан байна. Мөн “True Tone” технологи бүхий ялтсан дэлгэц нь дүрсний чанарыг сайжруулна.

Харин “iPad Mini” табледын хувьд 7.9 инчийн /20 см/ дэлгэцийг хэвээр үлдээсэн боловч хамгийн сүүлийн үеийн процессор болох “A12 Bionic”-ийг суурилуулжээ. Үүнээс гадна, уг төхөөрөмж “Apple Pencil” харандаатай болсон байна.

Шинэ “iPad”-ууд 64 болон 256 Гбайт-ын санах ойтой байна. Хоёр загвар хоёул мөнгөлөг, алтан шар болон саарал гэсэн гурван өнгийн сонголттойгоор худалдаанд гарна.

“iPad Mini” табледын үнэ 399 ам.доллароос, “iPad Air”-ынх 499 ам.доллароос эхлэх аж.

Эх сурвалж: Montsame.mn

Энтертайнмент
1 сарын өмнө
Нийтлэлч:
Э Энх-Амгалан
Хуваалцах:
ХУВААЛЦАХ ЖИРГЭХ
Сэтгэгдлүүд харах (0)
Холбоотой мэдээ