Ковид-19 вирусын халдвараас урьдчилан сэргийлэх олон арга хэмжээг төр засгаас авч хэрэгжүүлж байна. Орон нутагт ч аймгуудын Оцнгой комиссууд тодорхой асуудлуудад санал нэгджээ. Тухайлбал, Хөвсгөл аймгийн Онцгой комиссын хуралдаанаар аймгийн хэмжээнд энэ сарын 30-ны өдрийг дуустал архи согтууруулах ундааг худалдан борлуулах, түүгээр үйлчлэхийг бүрэн хориглосон байна. Энэ сард Олон улсын эмэгтэйчүүдийн баяр, Монгол цэргийн өдөр зэрэг тэмдэглэлт баярууд болдог учраас иргэд олноор цуглах, архи согтууруулах ундаа хэрэглэх зэрэг эрсдэл үүсч болзошгүй учраас хэмээн ийн хорьжээ.

Өндөржүүлсэн бэлэн байдалд шилжинажиллаж буй Онцгой комисс Шуурхай алба ч байгуулаад байгаа. Тус аймагт архи худалдан борлуулах тусгай зөвшөөрөлтэй байгууллагуудаас үйл ажиллагаагаа хэвийн явуулах хүсэлтээ аймгийн Онцгой комиссын даргад ирүүлсэн байна. Аймгийн Онцгой комиссын дарга Л.Ганболд бид болзошгүй эрсдэлээс урьдчилан сэргийлэхийн тулд шаардлагатай бүх арга хэмжээг авч ажиллаж байна. Цаашид архи худалдаалан борлуулж ашиг орлого олохоос илүү үйлдвэрлэл үйлчилгээ явуулж ашиг орлого олох нь чухал байна. Гэр бүл үр хүүхдэдээ архи уугаад янз бүрийн зан авир гаргаж байгаа олон мэдээлэл, судалгаа байна хэмээж байлаа.