Агаарын чанарыг мэдээлдэг “аgaar.mn” сайт өчигдрөөс эхлэн ажиллахгүй болов. Шалтгаан нь “домэйн нэрийн хугацаа нь дууссан” гэнэ.

Цахим Монглын ажил цаанаа л нэг иймэрхүү. Одоо тэгэхээр нүдэн баримжаа сайтай монголчууд  агаарын чанарынхаа мэдээллийг хараад багцаалж байхаас яах вэ дээ.

Уг нь утаа ихтай ч гэсэн тэнд тийм хэмжээний тоосонцор нь их байна гэдгийг харчихвал нийслэлчүүд тойроод явж  сурчхаад байгаа.  Агаарын чанар муу байгаа ч тоосонцорын хэмжээг заавал мэдэж байх учиртай.

Гэтэл Нийслэлийн агаар, орчны бохирдолтой  тэмцэх газрын цахим хаягт ч агаарын чанарын мэдээ нийтлэгдэхээ больчхож.

Агаарын чанар нь муу байгаа ч PM 2.5 нь их байвал ард иргэд зугтахаас ч аргагүй. Учир нь хамгийн жижиг хэмжээтэй бохирдуулагч энэ тоосонцор амьсгалаар дамжин уушгинд гүнд нэвтэрч улмаар хүний цусанд орох магадлал маш өндөр байдаг байна.

Тиймээс л ард иргэд агаарын чанарынхаа мэдээг харж хэвшчхээд байв, уг нь.

Гэтэл ойрын өдрүүдэд агаарын тоосонцрын агууламж зөвшөөрөгдөх хэмжээнээс 60 дахин их, харин рм1-ийн агууламж 40 дахин их байгааг мэргэжилтнүүд онцолж байна.