Өнгөрсөн баасан гарагийн чуулганы хуралдааны үеэр Эрчим хүчний сайд Б.Чойжилсүрэн Францын ерөнхийлөгч Эммануэл Макрон Монгол Улсад айлчлах гэж байгаа тухай дурдсан. Энэ яриа гишүүдийн дундах Атомын цахилгаан станцын тухай асуулт хариултын үеэр хөндөгдсөн юм. Тэр дундаа Б.Чойжилсүрэн сайд "Атомын цахилгаан станц Монгол Улсын хувьд шинэ сэдэв. Нэлээд нухацтай судлах хэрэгтэй" гэдгээ илэрхийлж байв. 

Хэрвээ Францын ерөнхийлөгч манай улсад айлчилбал Атомын цахилгаан станц барих тухай хэлэлцэж магадгүй юм гэх таамаг байна.

Монгол Улс ураны нөөцөөр дэлхийд 12-рт эрэмбэлэгддэг бөгөөд өдийг хүртэл олборлолтын ажил огт хийж байгаагүй зөвхөн эрэл, хайгуулын ажил явагдаж ирсэн.

Эрчим хүчний асуудлаас толгой өндийдөггүй, хөрш орнуудаас хараат манай улсын хувьд “Атомын цахилгаан станц” АВРАЛ байх уу, АЛДАА байх уу гэдэг нь олон нийтийн талцалыг үүсгээд байна.