Цагдаагийн ерөнхий газраас Цахим гэмт хэргийн судалгаа явуулсан байна. Судалгаа мэдээллээс харахад эл хэргийн тоо жил ирэх тусам өсчээ.

Тухайлбал

• 2012 онд 14
• 2013 онд 35
• 2014 онд 66
• 2015 онд 83
• 2016 онд 136
• 2017 онд 362
• 2018 онд 300
• 2019 онд 450
• 2020 онд 550
• 2021 онд 620 цахим гэмт хэрэг бүртгэгдэж байжээ.

Мөн ерөнхий боловсролын сурагчдын дунд явуулсан судалгаагаар

• Бага ангийн урагчдын 8.08 хувь
• Дунд ангийн сурагчдын 65 хувь
• Ахлах ангийн сурагчдын 26.09 хувь нь цахим орчны дарамтанд өртөж байсан

гэж хариулсан байна.

Энэ төрлийн гэмт хэргийн өсч байгааг Сэтгэцийн эрүүл мэндийн үндэсний төвийн эмчилгээний тайлан ч бас  илтгэж буй юм. Тус эмнэлэгт

• 2013 онд 31
• 2014 онд 47
• 2015 онд 41
• 2016 онд 68
• 2017 онд 94
• 2018 онд 57, нийт 338 хүүхдэд  эмчилгээ  хийсэн байна.

Тэгвэл 2019-2023 он хүртэл буюу сүүлийн 4 жилийн хугацаанд нийт 200 орчим хүүхэд донтсоны улмаас эмчилгээ хийлгэсэн бөгөөд цахим орчинд донтож байгаа хүүхдийн тоо өсөх тусам энэ төрлийн гэмт хэргийн хохирогч болох магадлал улам нэмэгдэж  байгааг мэргэжлийн байгууллагууд онцолжээ.

Иймд аав, ээж, асран хамгаалагч нар хүүхдийнхээ цахим  хэрэглээнд хяналт тавьж, гэмт хэрэгт өртөх, улмаар хохирогч болохоос сэргийлэх хэрэгтэй гэдийг дээр өгүүлсэн тоон мэдээллүүд анхааруулж буй юм.