The Diplomat сонинд өгсөн Монгол Улсын Ерөнхий сайд Л.Оюун-Эрдэнийн ярилцлага нийтлэгджээ. Тэрбээр энэхүү ярилцлагадаа Монгол Улсын гадаад бодлого, авлигын эсрэг тэмцэж буй засгийн газрын үйл ажиллалаа, чиглэл болон гадаадын хөрөнгө оруулалтыг татах талаар авч хэрэгжүүлж буй бодлогын талаар дурдсан байна.

Ерөнхий сайд Л.Оюун-Эрдэнэ уул уурхайгаас хараат Монгол Улс эдийн засгаа солонгоруулах, гадны хөрөнгө оруулалт татах хүрээнд ямар бодлого баримталж байна вэ гэх сэтгүүлчийнд асуултанд хариулахдаа “Монгол Улсын хэрэгжүүлж буй Шинэ сэргэлтийн бодлого нь гадны хөрөнгө оруулалгчдад ээлтэй орчныг бүрдүүлэх юм. Хөрөнгө оруулагчдад хандаж хэлэх бидний гол санаа бол манай улс нээлттэй орон. Монгол улс Азийн хамгийн хурдацтай хөгжиж буй тав дахь эдийн засаг болох замдаа амжилттай явж байна. Ийнхүү Шинэ сэргэлтийн бодлоготой уялдсан эдийн засгийн өсөлт нь ард иргэдийг хүндрэлээс гаргаж, амьдралын чанар стандартыг сайжруулж, дундаж давхаргын нийгмийн баталгааг хангах юм.

Мөн аялал жуулчлал нь эдийн засгаа төрөлжүүлэхэд чухал ач холбогдолтой салбар бөгөөд Монгол Улсын уул уурхайн бус салбарын нийт орлоготой ижил хэмжээний орлогыг бүрдүүлдэг. Аялал жуулчлал, уул уурхай, ХАА бол ирээдүйн манай улсын эдийн засгийн хөгжлийн гол тулгуур багана.” гэжээ.

Мөн геополитикийн асуудалд Монгол Улсын баримталж буй бодлогын талаар тайлбарлахдаа “Манай улс хөрш орнуудтайгаа адил тэгш сайн харилцаатай байхыг эрхэмлэдэг бөгөөд бүхий л улс оронтой эдийн засгийн болон хоёр талын харилцаагаа өргөжүүлэн хөгжүүлэхийг эрмэлздэг. Ардчилсан, энх тайванч улс орны хувьд гадаад бодлогодоо эдгээр үнэт зүйлээ тусгаж, дэлхий дахины тогтвортой байдлын төлөө чадах бүхнээ хийх болно” гэжээ.

Харин нүүрсний хэрэгтэй холбогдсон жагсаалын шаардлагын хариуд Монголын Засгийн газар авч хэрэгжүүлж буй арга хэмжээний талаар “Монгол улсад үг хэлэх, үзэл бодлоо илэрхийлэх эрх чөлөө бол амин чухал зүйл юм. Засгийн газрын хувьд авлигын хэргийг үндсээр нь таслахын тулд үйл хэргээ үргэлжүүлнэ” гэж хэлжээ.

Бүрэн эхээр энд дарж үзнэ үү