Хууль зүй, дотоод хэргийн яам, Шүүх шинжилгээний ерөнхий газар хамтран “Гэмт хэргийн улмаас хүний сэтгэцэд учирсан хор уршгийн зэрэглэлийг тогтоож, дүгнэлт гаргах болон үнэлэх аргачлал” хэлэлцүүлгийг зохион байгууллаа.

Уг хэлэлцүүлгийн зорилго нь гэмт хэргийн улмаас хүний сэтгэцэд учирсан хор уршгийн зэрэглэлийг тогтоож, дүгнэлт гаргах, үнэлэх аргачлалын төслийг танилцуулж, энэ төрлийн шинжилгээ хийх журмын төслийг боловсруулахад оршиж буй ажээ.

Хэлэлцүүлэгт ХЗДХЯ, УДШ, УЕПГ, ШЕЗ, ХЭҮК, ШУА, ТЕГ, ЦЕГ, ДХИС, ГХУСАЗЗАА, Хүний сэтгэцэд учирсан хор уршгийн зэрэглэл тогтоох, дүгнэлт гаргах аргачлал боловсруулах судалгааны баг, ХЗҮХ зэрэг байгууллагын 50 гаруй албан хаагч оролцлоо.

Хэлэлцүүлэгт  оролцогчид гэмт хэргийн улмаас хүний сэтгэцэд учирсан хор уршгийн зэрэглэлийг тогтоох, эдийн бус хохирлыг тооцох, сэтгэцэд учирсан хор уршгийн зэрэглэлийг мөнгөн дүнгээр үнэлэх зэрэг сэдвээр танилцуулга хийж хэлэлцсэн байна.