Солонгос улсад Ази номхон далайн орнуудын Мастеруудын II наадам зохион байгуулагдаж байна. Энэ удаагийн “Жонбук 2023”-т 71 улсын 13 мянга гаруй тамирчин спортын 25 төрөлд өрсөлдөж байгаа юм.

Наадмын гольфийн төрөл гурван өдрийн турш явагдаж, дэлхийн 300 гаруй тамирчин анхаарал, хурд, хүчний мэдрэмжээ уралдуулсан байна.

Тэмцээний 45-55 насны ангилалд Монгол Улсын тамирчин Б.Мягмарсүрэн мөнгөн медаль, А.Тамир хүрэл медаль, 65-75 насны насны ангилалд Н.Цогтоо хүрэл медаль хүртэж Монгол Улсынхаа нэрийг өндөрт өргөж, медалын тавцанд гарчээ.

Монгол Улсаас 381 тамирчин  спортын 16 төрөлд оролцож байна.