Туркийн ерөнхийлөгчийн хоёр дахь шатны сонгуулийн ялагчаар тус улсын одоогийн төрийн тэргүүн Режеп Тайип Эрдоган дахин сонгогдлоо. Энэ удаагийн сонгуульд түүний гол өрсөлдөгч нь Кемал Киличдароглу байв. Эрдоган ялалтын баяраа тэмдэглэж, өрсөлдөгчийнхөө ялагдлыг "Баяртай, баяртай, Кемал" гэсэн үгээр шоолж байсан бол Кемал Киличдароглу “сүүлийн жилүүдэд болсон хамгийн шударга бус сонгууль” гэж шүүмжилжээ.

Мөн Эрдоган энэ удаагийн ерөнхийлөгчийн сонгууль Турк улсын түүхэн дэх хамгийн чухал сонгууль болсныг онцолж бид биш Туркийн ард түмэн яллаа гэж мэдэгдэв. Анкарагийн өнцөг булан бүрээс түүний дэмжигчид ялалтын баярыг тэмдэглэхээр цугласан бөгөөд тэдгээрийн нэг нь “Бид Эрдоганы эдийн засгийн бодлогод сэтгэл хангалуун байгаа, түүнийг ирэх 5 жил илүү сайн ажиллана гэдэгт итгэж байна” гэжээ.

Эх сурвалж: BBC