Замын-Үүд суманд байх “ТЖАЙ” компани үйлдвэрийн туршилтаа хийх явцдаа  угсралтын ажиллагааг буруу хийснээс газ алдсан гэх мэдээлэл байна.

Өнгөрөгч Баасан гарагт болсон эл явдалд өнөөдрийг хүртэл  арга хэмжээ  аваагүй т байгаа бөгөөд  ард  иргэд ихээр хордож гадаа ч гарч чадахгүй байгаа  ба мөн гэртээ ч газаар амьсгалж  эмнэлэгт хүргэгдээд байгаа аж.

Тус суманд нөхцөл байдал ийм байхад  мэргэжлийн байгууллага, сумын Засаг дарга, ИТХ-ын дарга, Онцгой байдлын салбар нэгж зэрэг газрууд утсаа авахгүй ямар нэгэн арга хэмжээ аваагүй  байна. Харин "ТЖАЙ" гэх компанийн зүгээс Замын -Үүдийн нэгдсэн зар группт  Хүлцэл өчсөн мэдэгдэл  тавьсан нь  "Агаарт их хэмжээний газ алдагдсан" гэдгийг баталж буй юм.

Нөхцөл байдал улам хүндэрч байхад сумын эрх бүхий албан тушаалтнуудын утас одоо ч холбогдохгүй хэвээр байгаа бөгөөд өнөө өглөө "Цагдаагийн байгууллага шалгаж байгаа, хордсон хүн бүртгэгдээгүй" гэх мэдээллийг зарим сайтуудаар тарааж эхэлсэн байна. 

Үргэлжлэл бий.