Уул уурхай хүнд  үйлдвэрийн яамны Газрын тосны бүтээгдэхүүн боловсруулах тусгай зөвшөөрөлтэйгөөр үйл ажиллагаа явуулж байгаа гэж бардамнах “Трансгейт интернэшнл” буюу “ТЖАЙ” компани  Замын-Үүдийн 25000 хүний амь нас эрүүл мэндэд заналхийллээ.

Ингэж хэлэхийн учир нь  тус компани Замын-Үүдийн суурьшлын бүсэд үйлдвэрээ байгуулсан бөгөөд 5 дугаар сарын 27, 28-ны өдөр туршилтын үйлдвэрлэлээ явуулахдаа угсралтын ажиллагааг буруу хийсэн учраас агаарт их хэмжээний газ цацагдсан байна.

Тухайн компанийнхан өөрсдөө ч энэ тухайгаа “Мэдэгдэх хуудас”-аараа хүлээн зөвшөөрсөн байсан.

Тэгвэл томоохон суурьшлын бүсэд ийм асуудал болчхоод байхад  Замын-Үүд  сумын холбогдох албан тушаалтнууд амралтын 2 өдөр таг чиг байсан нь маш том АСУУДАЛ юм.

Товчхондоо бол “Тусгай зөвшөөрөл”-ийг  эсрэгээр нь ашиглаж суурьшлын томоохон бүсэд “Шатахууны нэрмэлийн үйлдвэр” байгуулаад байгаа нь эрх баригчдын буруу  гэж ард иргэдийн зүгээс үзэж байна. Иймд УУХҮ-ийн сайд Ж.Ганбаатар та тайлбар хийнэ үү.