Сүүлийн өдрүүдэд Боловсролын зээлийн сангийн асуудлаар БШУЯ-ны их бужигнаантай байгаа.

Шалгуур үзүүлэлтийг хангасан эсэх нь тодорхойгүй албан тушаалтнуудын үр хүүхэд тус сантай гэрээ байгуулж, өнөөг хүртэл үүргээ биелүүлэлгүй хөрөнгө мөнгө завшсан нь ил боллоо. БЗС-гийн үе, үеийн удирдлагуудыг хуулийн байгууллагаас шалгахаар болсон зэрэг асуудал намжаагүй байна.

Гэтэл БШУЯ-ныхан дахиад л гаднын улсын Засгийн газрын тэтгэлгийг “залгиж” байгаа бололтой.

Тодруулбал, БНЭУ-ын Засгийн газрын тусгай тэтгэлэг хөтөлбөр зарлагдсан тухай зарыг цахим хаягтаа бүртгэл дуусах өдөр нь байршуулжээ.

Энэ нь мэдээлэлд ойр байдлаа ашигласан цөөн хүний хүрээнд явагдсан үйл ажиллагаа гэсэн үг.

Ажлын цаг эхэлмэгц энэхүү зараа байршуулсан байлаа хэн нэгэн түүнийг нь өдрийн 16 цагийн хугацаанд харж амжаагүй л бол Энэтхэгийн тэтгэлэгт хамрагдаж чадахгүй хоцорчхож байгаа юм.    

Нэгэнт тэтгэлэгт хамрагдахаар ил болчхож байгаа учраас ядаж шалгуурыг нь хангасан гэдэг нэр зүүхийн тулд одоо тус яамныхан, эрх мэдэлтнүүд аргаа өөрчилж, бусад улсын Засгийн газрын тэтгэлгийг ашиглахаар улайрч байгаа нь энэ биз. Ёстой л хууль чангарахаар хулгайчийн арга нарийсна гэж энэ юм байна даа.