Энэтхэгт өнгөрсөн баасан гарагт/ 6 дугаар сарын 2/  галт тэрэг осолдож 275 хүн амиа алдаж, 1000 гаруй хүн гэмтэж бэртжээ. Аврах багийнхан эрэн хайх ажиллалааг ням гарагт дуусгаж, эвдэрсэн галт тэрэгний вагонуудыг замаас гаргахаар ажиллаж байгаа аж.

Энэ осол Энэтхэгийн түүхэнд гарсан хамгийн олон хүн нас барсан галт тэрэгний осол болжээ.

Энэтхэгийн Төмөр замын сайд Ашвини Вайшнав ням гарагт "цахим түгжигч /электрон түгжээ/ өөрчлөгдсөний улмаас осол гарсан" гэж мэдэгдсэн бөгөөд энэ алдааны эзнийг мөрдөн байцаалтын явцад илрүүлнэ гэж мэдэгдсэн байна. Мөн сүйрэл болсон Одиша хотын захиргаанаас нас барсан иргэдийн ар гэрт 500,000 рупи (6,067 доллар), хүнд гэмтэл авсан хүмүүст 100,000 рупи (1,213 доллар) олгохоо мэдэгджээ.

Энэтхэгийн Ерөнхий сайд Наренда Моди ослын газар биечлэн очсон бөгөөд орон нутгийн эрх баригчид болон аврагчдыг ажилд талархал илэрхийлжээ. Түүнчлэн буруутай этгүүдэд хариуцлага хүлээлгэнэ гэдгийг онцолсон байна.

Эх сурвалж: CNN