Ромын пап Франциск Монгол Улсад айлчлах гэж буй талаар Reuters агентлаг онцолжээ.

Ингэхдээ “Монгол Улс Ромын пап Францискийн зочилж байсан алс хязгаар улсуудын нэг бөгөөд ердөө 1300 гаруй католик шашинтан амьдардаг. Гэхдээ тус улс Хятадтай ойр оршдог учир Ватикан улсад стратегийн ач холбогдолтой.

Ватиканы хэвлэлийн төлөөлөгчийн мэдэгдсэнээр “Монгол Улсын Ерөнхийлөгч болон католик шашны удирдагчдын урилгаар ирэх 8 дугаар сард тус улсад айлчлахаар болсон” гэж мэдээлжээ.

Энэ айлчлал Ватикан Хятад дахь католик шашинтнуудын нөхцөл байдлыг сайжруулахаар оролдож байгаа үед болж байгаа гэдгээрээ онцлогтой. Мөн Католик шашинтнууд цөөнх байдаг газруудад зочлох нь пап Францискын дэлхийн өнцөг булан бүрт амьдарч буй католик шашинтнуудын асуудалд анхаарлаа хандуулах бодлогын нэг хэсэг юм” гэжээ.