Сургууль, цэцэрлэгийн үйл ажиллагаатай эхэлсэнтэй холбоотойгоор өнгөрсөн сарын 26-ны өдрөөс тээврийн хэрэгслийн улсын дугаарыг тэгш, сондгойгоор нь хөдөлгөөнд оролцуулж эхэлсэн. Тухайн шийдвэр нь энэ сарын 15-ны өдрийг хүртэл хэрэгжих юм. Тэгвэл өнөөдөр сондгой тоогоор төгссөн улсын дугаартай тээврийн хэрэгслүүд хөдөлгөөнд оролцоод маргаашнаас энэхүү дугаарын хязгаарлалт хэвийн горимд шилжинэ.

Тэгэхээр маргааш буюу баасан гарагт 5 болон 0 дугаараар төгссөн автомашинууд 08:00-20:00 цагийн хооронд замын хөдөлгөөн оролцохгүй.

Автомашины улсын дугаарын сүүлийн орноор хязгаарлагдах зохицуулалт:

• 1 ба 6-аар төгссөн дугаартай бол даваа гарагт
• 2 ба 7-оор төгссөн дугаартай бол мягмар гарагт
• 3 ба 8-аар төгссөн дугаартай бол лхагва гарагт
• 4 ба 9-өөр төгссөн дугаартай бол пүрэв гарагт
• 5 ба 0-ээр төгссөн дугаартай бол баасан гарагт тус замын хөдөлгөөнд оролцохгүй.