Нэгэн этгээд эмчилгээгээрээ  олны анхаарлыг татаж  бас шүүмжлэлд өртөж  байсан Дурак Веррет гэх  Африк гаралтай АНУ-ын иргэн өнгөрөгч 2022 оны 6 дугаар сард бас нэгэн шуугиан тарьсан нь Норвегийн хааны гүнж  Марта Луйзтай  сүй тавьснаа зарласан явдал байв.

Тэгвэл тэд энэ удаад  хуримын товоо зарлан бас нэгэн бяцхан шуугиан тариад амжсан нь 2024 оны 8 дугаар сарын 31-нд хуримлах тухай байв.

Верретийн эмчилгээний аргууд нэлээд маргаан дагуулдаг ч олны зүгээс түүнд итгэдэг. Тэрбээр “Хорт хавдар тусах эсэх нь хувь хүнээс өөрөөс нь шалтгаална хэмээн номлож, эмэгтэйчүүдэд өмнөх бэлгийн хавьтагчийнхаа үлдээсэн ул мөр буюу мэдээллийг үтрээнээсээ арилга” гэх дасгал хүртэл зааж өгдөг байсан эдэг.

Мөн тэрбээр дэлхий даяар дэгдсэн коронвирусын цар тахлын үед тахлаас хамгаалах бугуйвч зарж байсан бөгөөд үнэ нь 222 ам доллар байв.

Харин түүний сүйт бүсгүй Марта бол Норвегийн хааны ууган гүнж бөгөөд далдын хүчинд итгэдэг нэгэн.  Түүнийгээ ч нуудаггүй. Өмнөх гэрлэлтээсээ 3 охинтой тэрбээр өдгөө 51 настай. Харин түүний экс нөхөр нь  алдартай зохиолч Ари Бен байсан аж.

Юутай ч өөрийгөө зургаадугаар үеийн бөө, зайран гэдэг Дурек Веррет, Норвегийн хаан ширээг залгамжлагчдын жагсаалтын дөрөвдүгээрт бичигддэг ууган гүнж  Марта Луйз нар ийнхүү ирэх жилд хуримлахаар болсоноо зарласан тул хаан Харалд, хатан Соня, угсаа залгамжлах хунтайж Хакон нар хосуудад баяр хүргэн хүлээж авч, хүргэн болох залуугаа гэр бүлийнхээ гишүүнээр хүлээж авахад таатай байгаагаа хэлжээ.

Дашрамд дуулгахад Марта Луйз  Дурек Верреттэй гэрлэхийн тулд язгууртан  хэргэмээсээ татгалзаж багагүй шуугиан тарьж байсан удаатай.

Эх сурвалж: AFP