Монголын  урлагийн түүхийн нэгэн домог Д.Жаргалсайханы “ХХI зуун” тоглолт нөгөөдөр  буюу 9 дүгээр сарын 16-нд Төв цэнгэлдэх хүрээлэнд  болно. Олны дунд багагүй хүлээлт үүсгээд буй энэ тоглолтод “Чингис хаан” хамтлаг бүрэн бүрэлдэхүүнээр оролцохын сацуу урлагийн бүх одод  нэгэн дор чуулсан гэгээн сайхан үдэш болохоороо онцлог юм.

Урлагийн бүх одод гэхээр өнөө цагийн залуу уран бүтээлчид бас оролцох нь гэх ойлголт төрж мэднэ. Тэгвэл цаг цагийн уртад жинхэнэ од болон гялалзаж, одоо ч тэр л эрч хүчээрээ урлагийн энэ аугаа том ертөнцөд цойлж, өөр өөрсдийнхөө өнгө аялгуугаар хөг нэмж яваа АКУЛУУД оролцох юм.  

Тухайлбал ХХ зууны манлай дуучин МУГЖ Б.Сарантуяа,  Хүүхдийн элч дуучин МУГЖ Т.Ариунаа, поп дива дуучин С.Наран,  “Хайрын дууч” С.Сэрчмаа, “Хурд”, “Харанга” зэрэг хамтлагийн уран бүтээлчид оролцож нэгэн үдшийг хамтдаа өнгөрөөх юм байна.

Мэдээж тэрбээр энэ удаа “Бүргэд” дуугаа ч дуулах нь мэдээж. Тэр  дууны утга учир нь  бүргэд мэт урлагийн алтан тайзнаа амьдарч яваа АКУЛ”-уудад зориулсан мэт.

Түүний энэ дуунд  

...Бүргэдийг магтах ч хэрэггүй, бүргэдийг муулах ч хэрэггүй

Яагаад гэвэл бүргэд хэзээ ч тагтаа шиг амьдраагүй

Яагаад гэвэл бүргэд гэдэг чинь хэзээ ч хэрээ шиг амьдрахгүй... хэмээн дуулдаг юм.

Тэд ял бүргэд шиг хэзээ ч сөхөрч, шантарч үзээгүй, үнэхээр од бас “АКУЛ”-ууд.