Улсын маань “Саалийн ганц  үнээ” гэгддэг "Эрдэнэт үйлдвэр" ТӨҮГ-ын ажилчид өнөө өглөөний 07:00 цагаас эхлэн ажил хаясан. Ажил хаялтыг Эрдэнэт үйлдвэрийн ҮЭХ-ноос санаачлан зохион байгуулж байгаа гэх мэдээлэл буй. Гэхдээ  үнэн хэрэгтээ бол ҮЭХ-г ажилчид бүрдүүлдэг шүү дээ.  Тэгэхээр ҮЭХ бус ажилчид ажил хаясан гэсэн үг.

Уг нь 8 дугаар сарын 31-нийг хүртэл Эрдэнэт үйлдвэрийн удирдлагуудтай гэрээ хэлэлцэл хийж тохиролцоонд хүрвэл ажил хаяхгүй гэх мэдээллийг өмнө нь өгч байсан ч үйлдвэрийн удирдлага эрх бүхий албан тушаалтнуудтай хэлэлцээнд хүрч чадаагүй учраас ийм арга хэмжээ авч эхэлсэн гээд байгаа. 

Харин Эрдэнэт үйлдвэрийн удирдлагын зүгээс “Ажил хаялтад оролцсон ажилчдын хувьд хууль бус гэдэг нь шүүхээр тогтоогдвол хүндрэлтэй нөхцөл байдал үүснэ...” гэсэн нь анхааруулга гэхээсээ илүүтэй дарамтлах өнгө аяс дагуулж байна гэж ажилчдын зүгээс үзэж буй аж. 

Өнөө өглөөний байдлаар тус үйлдвэрийн Авто тээврийн цехийн Уулын технологийн тээврийн хэсэг, Зорчигч тээврийн хэсэг, Ил уурхайн Уулын ажлын хэсгүүд оролцож эхлээд байгаа бөгөөд өнөөдөр буюу 9 дүгээр сарын 15-нд эхэлсэн ажил хаялт  10 дугаар сарын 15-ныг хүртэл үргэлжлэх юм байна.

Товчхондоо бол Эрчим хүчний сайд асан Г.Ёндон рдэн үйлдвэрийн газрын даргаар очиход хамт олных нь зүгээс тийм таатай хүлээж аваагүй гэдэг. Учир нь Эрчим хүчний салбарыг бараг л элгээр нь хэвтүүлчихсэн гэж үнэлж дүгнэдэг болоод тэр биз.

Хэрвээ ажил хаялт цааш үргэлжилж, хүрээгээ улам тэлвэл ЭКС сайд харин суудлаасаа амархан бууж мэдэх л юм. 

Энд нэг зүйлийг онцлоход ажилдаа  гарах гэсэн ажилчид нь "НАРЯД" дээр гарын үсэг зурах ёстой байтал ажлын даалгавар гэх тэрхүү хуудас нь  "НАРЯД" биш  өөр хуудсан дээр гарын үсэг зуруулсан нь хэвлэлийнхний анхааралд өртсөн юм. 

Олны анхаарал "Саалийн ганц үнээ"-н дээрээ тогтооод ирэхээр "Цалинг 50 хувь нэм гэсэн", "Тэтгэвэртээ гарч байгаа  хүмүүс өөрийнхөө оронд үр хүүхдээ оруулдаг уламжлал тогтсон байсан" учраас үүнийг халж сонгон шалгаруулалт явуулах болсон тул ийм эмх замбараагүй байдал үүсгэж байна" гэх зэргээр янз бүрээр хэлж бултаж, булзаж эхэлж байгаа дүр зураг ч харагдаад эхэллээ.