Жолооч нарын эрхийг зөрчсөн дээрэнгүй гэмээр тэмдэглэгээнүүд хаа  сайхгүй  байх болж.

Уг нь “Зайсан хилл” рүү зүүн эргэхийг аль эрт болиулсан гээд байсан. Гэтэл 23:00-06:00 цагт эргэж болдог юм гэнэ. Дээрх цагт ингэж хөдөлгөөнд оролцож болох учраас замынх нь тэмдэглэгээг засаагүй юм санж. Тэгэхээр өөдөөс заасан сумны тэмдэглэгээг сөрөөд  давхих гээд, сумны урдаас явж зүрхлээгүй жолооч нь дүрэм зөрчсөн болох гээд байгаа тул энэ асуултад  мэргэжлийн байгууллагынхнаас хариулт авмаар байна.

Бас нэгэн жишээ нь Хөшгийн хөндийн замд тэмдгээс үүдэлтэй зөрчил их гардаг.  Тодруулбал Хөшгийн хөндий явах нь чигээрээ гүүрээрээ гарах бол Өлзийт  хороолол” руу явах нь  баруун гар тийш  жаахан салж эргэн зам руугаа ордог.

Харин тэнд "Ачааны машин баруун эргэнэ” гэсэн тэмдэг байдаг учраас жолооч нар шууд чигээрээ явах, явсан нэг нь  бишдсэнээ мэдээд ухрах хөдөлгөөн хийж байж “Өлзийт хороолол” руу явж байх жишээтэй. Харин ухрах хөдөлгөөн хийхийг “Урсгал сөрсөн” гэж үзэж  эрх хасч байх жишээтэй.

Эдгээрийг өгүүүлэхийн учир нь “Жолооч нар замын хөдөлгөөнд соёлтой, оролцохгүй байна...”  гэж шүүмжилдэг мэргэжлийн байгууллагууд өөрсдөө соёлтой байж энэ мэтчилэн  шийдвэр болон ажлаа эргэж харах нь зүйтэй гэж хэлж буй хэрэг. 

Товчхондоо бол авто зам  орчмын тэмдэг, тэмдэглэгээ ойлгомжтой байх нь  "Улсын соёл" төдийгүй осол аваараас эрдэнэт хүний амь насыг хамгаалж буй үйлдэл шүү дээ.