ХААХҮ-ийн сайд Х.Болорчулууны болчимгүй үйлдлүүдийн араас дэд сайдынх нь залгаж байгаа бололтой.

МАН-ыг ХХААХҮ-ийн дэд сайдаар М.Ганхүлэгийг томилоход хүн бүр ам сайтай “Залуу боловсон хүчнээ төрд зүтгүүлж байна” гэж ирээд л магтаж байв. Харамсалтай нь өнөөх дэд сайд нь ёстой л “Магтсан хүүхэн хуримандаа унгав” гэгч болчих шиг. Тэр саяхан буюу энэ сарын 3-4-нд хуримаа хийж, МАН-ын нөхөд, ойр тойрныхноо уриад "бут" авчээ. Харин бал сараа Хөх хотод өнгөрүүлсэн аж. Өнгөрүүлэх ч гэж дээ, мань хүн эхнэрээ дагуулаад тухайн үед буюу энэ сарын 6-10-ны өдрүүдэд Хөх хотод болсон “Монгол-Хятадын экспо 2023”-ын арга хэмжээгээр хэсч, гангарч, түүнийгээ цахим орчинд гайхуулаад амжжээ.

Мэдээж хуримынхаа бал сарын аяллыг өөрийн мөнгөөр зохион байгуулаад амарч явсан бол хэнбугайд ч хамаагүй л дээ. Гэхдээ өөрийн мөнгөө зарцуулсан ч эхнэрээ дагуулчхаад албан тушаалаа ашиглаад явах нь хэр зохистой үйлдэл бол.  Аль эсвэл М.Ганхүлэг гэр бүлтэйгээ татвар төлөгчдийн мөнгөөр явчихсан болохоор аливаа арга хэмжээнд заавал хамт оролцох шаардлагатай болчихсон хэрэг үү...

М.Ганхүлэг Хөх хотод тийн зугаацаж явсан нь, “арай МАН-ын ах нараа дуурайгаад татвар төлөгчдийн мөнгөөр тансаглаад явдаг залуу үе төрд заларчихсан юм биш биз ...” гэх хардлагыг булт олонд төрүүлж байна шүү.